Para fjalimit të sotëm në Kombet e Bashkuara, Presidenti i Serbisë, Aleksandër Vuçiç, ka thënë se delegacioni serb në New York ka bërë punë të mirë si ekip dhe theksoi se nuk është e rastësishme që në periudhën e ardhshme do të ketë shtete të tjera që do ta ndryshojnë qëndrimin e tyre për Kosovën.
Vuçiç në deklaratën e tij para gazetarëve, pas takimit me shefin e diplomacisë ruse, Sergej Lavrov në selinë e OKB0-së, është shprehur: “Disa kishin thënë se jemi duke vrapuar kudo, në çdo vend. Kemi biseduar me përfaqësuesit e shteteve që janë respektuar nga shumëkush. Po ashtu edhe të tjerë që kanë të drejtë vote në Kombet e Bashkuara”.
Më tej presidenti shprehu falënderimin e tij për anëtarët e ekipit serb të cilët në OKB, sipas tij, kanë luftuar në mënyrë profesionale, të përgjegjshme e serioze për vendin e tyre, ashtu si ministri Daçiç dhe anëtarët e Misionit të Serbisë në Kombet e Bashkuara.
“Nuk kemi shumë para për gjëra të tilla, nuk mund të garojmë me disa të tjerë. Shikojeni çfarë bëjnë shtetet më të fuqishme myslimane, katolike, blejnë këto ndërtesa afër Kombeve të Bashkuara sikurse të jenë falas, e ato kushtojnë miliarda”, tha Vuçiç.
“Ne ato nuk i kemi dhe nuk mund t’i blejmë. Nuk e kemi as atë fuqi të lobimit e as paratë që shqiptarët përfitojnë pikërisht nga New York, Chicago e Detroit, më së tepërmi”, theksoi ai.
“Nuk kam thënë rastësisht se në periudhën e ardhshme numri i shteteve me të cilat kemi biseduar do ta ndryshojnë qëndrimin e tyre për Kosovën. Për gjithçka duhet të luftoni. Nëse gjërat shkojnë në një drejtim dhe nëse ai caktohet si trend i ri. Është shumë i rëndësishëm angazhimi i njerëzve tanë”, tha presidenti serb.
VAZHDO TË LEXOSH MË TEPËR PËR TEMËN
‘Dialogun e udhëheqin Thaçi e Vuçiç’
‘Thaçi dhe Vuçiç kanë gjetur zgjidhjen e gabuar’
‘Pa SHBA, Gjermani dhe Rusi nuk ka marrëveshje’
