Na ndajnë më pak se një muaj nga ndeshja me Francën, që përkon edhe më inagurimin e stadiumit “Arena Kombëtare”. Kërkesat për të qenë të pranishëm në këtë ndeshje janë të shumta.
Më 3 nëntor do të jetë testi zyrtar i impiantit të ri më të madh dhe më modern sportiv në vend, teksa do të luhet një ndeshje e kampionatit të femrave, me hyrjen e lirë të tifozëve për të parë stadiumin e ri.
Përfaqësues të UEFA-s, që do të monitorojnë dhe kontrollojnë çdo sistem të këtij impianti të ri do të jenë të pranishëm në Tiranë për ndeshjen mes Vllaznisë dhe Apolonisë së femrave.
Bëhet me dije se biletat e ndeshjes inauguruese të stadiumit për ndeshjen me Francën do të jenë me një çmim mesatar prej 2200 lekësh të reja.
Çmimi më i lirë që do të dalë në shitje për këtë ndeshje do të jetë 1500 lekë dhe më i shtrenjti 5000 lekë. Ndërkohë, që nuk do të dalë në shitje fare tribuna kryesore e “Arenës Kombëtare” për ndeshjen me Francën, pasi pjesa më e madhe janë ftesa, për UEFA-n, qeverinë, sponsorët dhe bashkëpunëtorët e FSHF-së.
Në rast se Turqia mposht Islandën (duke llogaritur fitore të sigurt me Andorrën) fitorja ndaj Francës kthehet në objektiv madhor, sepse mund të arrihet vendi i tretë në grupin eliminator Euro 2020.
VAZHDO TË LEXOSH MË TEPËR PËR TEMËN
