Presidenti kinez Xi Jinping ka paralajmëruar fuqitë e huaja, se nëse përpiqen të nxisin përçarjen e Kinës do të përballen me forcën shkatërruese te saj.
Deklarata e tij vjen në një kohë kur Pekini po përballet me një seri sfidash, mes të cilave protestat disamujore në Hong Kong dhe lufta tregtare me Shtetet e Bashkuara.
“Kushdo që përpiqet të ndajë Kinën në çdo pjesë të vendit do të mbetet i sakatuar dhe me kockat e thërmuara”, deklaroi Xi.
Ai theksoi se çdo forcë e huaj që do të mbështesë përpjekje të tilla do të vihet në lojë nga populli kinez dhe do të bëhet qesharake.
Deklaratat e tij Xi i bëri gjatë një vizite në Nepal. Ai është presidenti i parë kinez që viziton këtë vend në 22 vjet dhe të dyja palët pritet të nënshkruajnë një marrëveshje për shtrirjen e lidhjeve hekurudhore mes vendit të Himalajeve dhe Tibetit.
Kina, që po përpiqet të çtensionojë luftën tregtare me Shtetet e Bashkuara, ka parë autoritetin e saj të vihet në provë nga protestat e dhunshme në Hong Kong. Policia në rajonin autonom ka përdorur plumba gome, gaz lotësjellës dhe mjete të tjera për të shpërndarë protestuesit në ish-koloninë britanike, që është përfshirë nga kriza më e keqe politike në dekada.
Presidenti amerikan Donald Trump ka deklaruar se do të jetë e vështirë të negociohet me Kinën nëse diçka negative u ndodh manifestuesve.
VAZHDO TË LEXOSH MË TEPËR PËR TEMËN
“S’ka marrëveshje me Kinën deri kur të takohem me Xi Jinping”
A do vërtet Putin të jetë miku i Xi Jinping?
“Lufta” me Kinën/ Çfarë synon SHBA?
