MENU

Epiqendra e tërmetit

Mëngjes në panik, lëkundje të tjera në Veri

11.10.2019 - 12:11

Lëkundje tërmeti, kësaj radhe në Verit të vendit.

Duket se epiqendra është zhvendosur nga deti Adriatik dhe zona përreth Durrësit, e cila ka qenë tepër aktive prej 21 shtatorit në pjesën Verilindore të vendit.

Sipas Institutit të Gjeoshkencave Ujit dhe Mjedisit, epiqendra ka qenë 1.7 km në veri të Shumatit në Dibër, me magnitudë 3.2 të shkallës Rihter dhe është ndjerë në orën 07:26 minuta.

Nuk ka të dhëna për dëme materiale.

Kujtojmë se më 21 shtator pjesa qendrore e vendit u godit nga një tërmet i fortë i shkallës 5.6 dhe u pasua nga disa goditje të tjera në ditët në vijim.

Tërmeti la pas qindra shtëpi e objekte të dëmtuara dhe të plagosur.