Presidenti shqiptar Ilir Meta ka marrë pjesë në pritjen e organizuar nga Ambasada Gjermane në Tiranë, me rastin e 3 tetorit, Ditës së Bashkimit të Gjermanisë.
Meta tha se ka takuar ambasadorin Peter Zingraf dhe ka shprehur urimet më të ngrohta e të përzemërta për popullin mik gjerman.
Postimi i Ilir Metës:
Kënaqësi të merrja pjesë sot në pritjen e organizuar nga Ambasada Gjermane në Tiranë, me rastin e 3 tetorit, Ditës së Bashkimit të Gjermanisë dhe t’i shprehja ambasadorit Peter Zingraf urimet më të ngrohta e të përzemërta për popullin mik gjerman.
Shqipëria do vijojë të mbështetet fort në Gjermaninë mike dhe partnere strategjike.
Mirënjohje të thellë për kontributin e çmuar, të gjithanshëm dhe të përhershëm që Gjermania i ka dhënë Shqipërisë në procesin e integrimit europian, konsolidimin e shtetit të së drejtës dhe reformave demokratike! ?????
