Ministri i Jashtëm holandez, Stef Blok është shprehur se Holanda beson se Bashkimi Evropian nuk duhet të hapë negociatat e anëtarësimit të Shqipërisë në BE. Kjo është deklarata e bërë për mediat pas mbledhjes së qeverisë holandeze.
Sipas Blok, Shqipëria nuk është ende gati për çeljen e negociatave.
“Shqipëria duhet të ndërmarra hapa të tjerë në luftën kundër korrupsionin dhe të përmirësojë sundimin e ligjit”, është shprehur ministri holandez.
Nga ana tjetër, Blok ka deklaruar se Holanda është e interesuar për hapjen e negociatave me Maqedoninë e Veriut.
“Maqedonia e Veriut ka bërë hapa të mëdhenj përpara. Përparimi në sundimin e ligjit duhet të vazhdojë”, ka thënë Blok.
Holanda bëhet kështu shteti i parë i Bashkimit Evropian që konfirmon votën kundër Shqipërisë në mbledhjen e Këshillit Evropian që do të organizohet më 18 tetor, ndërkohë që Franca, gjithashtu një prej shteteve që ka shfaqur skepticizëm, nuk ka bërë ende një deklaratë.
VAZHDO TË LEXOSH MË TEPËR PËR TEMËN
CDU/CSU i hap derën Maqedonisë: Të çelen negociatat!
