Anëtarja e Parlamentit Evropian, Tanja Fajon, i është kthyer ashpër Presidentit të Francës, Emmanuel Macron, i cili po mban peng hapjen e negociatave të Shqipërisë dhe Maqedonisë së Veriut me Bashkimin Evropian.
Përmes një mesazhi në faqen e saj të “Facebook”, Fajon e cilëson një turp të madh vendimin e Francës për të bllokuar procesin e integrimit me dy vendeve ballkanike, ndërsa i kërkon Presidentit Macron “të zgjohet”.
“Ky është një turp i madh. Emmanuel Macron, zgjohu! Është koha që BE të tregojë pjekuri dhe përgjegjësi politike! Këta drejtues kanë bërë pjesën e tyre të punës! Tani është radha e Këshillit të Bashkimit Evropian për të përmbushur pjesën e tij dhe më në fund pranojnë të fillojnë bisedimet e pranimit me Maqedoninë e Veriut dhe Shqipërinë”, shkruan Tanja Fajon.
VAZHDO TË LEXOSH MË TEPËR PËR TEMËN
‘Çelja e negociatave’/ Bushati: Për të ardhur keq!
‘Negociatat’/ Basha: Rama, sot duhet të kërkonte falje për gënjeshtrën
