31.10.2019 - 11:27
Qeveria shqiptare ka ndryshuar grupin negociator për bisedimet mes Shqipërisë dhe Greqisë në lidhje me çështjen e detit.
Ky vendim u mor në mbledhjen e fundit te qeverisë, konkretisht një ditë pas takimit që zhvilloi kryeministri Edi Rama në Greqi.
Ky grup negociator është reduktuar nga 13 në 7 anëtarë dhe do të përbëhet nga shtatë zëvendësministra. Gjithashtu nënvizohet fakti se në cilësinë e kryetarit do të jetë një prej zëvendës ministrave të jashtëm.
Shefi i qeverisë, Edi Rama tha se shpreson fort në arritjen e një konsensusi me qeverinë e Greqisë dhe kryeministrin e saj, Kyriakos Mitsotakis.
