Shefi i NASA, Jim Bridenstine tha se kapsula “Crew Dragon” e SpaceX do të jetë gati për fluturimin e parë me pilot në orbitë në tremujorin e parë 2020, nëse gjërat shkojnë sipas planeve.
Gjatë një vizite në selinë e SpaceX, Bridenstine përgëzoi kompaninë e Elon Musk për projektet e anijeve kozmike, por theksoi gjithashtu shqetësimin e NASA për sigurinë e astronautëve.
Administrata Kombëtare e Aeronautikës dhe Hapësirës (NASA) ka paguar kontraktorët SpaceX dhe Boeing 6.8 miliardë dollarë për të ndërtuar sisteme të raketave dhe kapsulave që të kthejnë astronautët në Stacionin Ndërkombëtar Hapsinor nga toka e Shteteve të Bashkuara për të parën herë që prej 2011-ës.
Vizita e shefit të NASA vjen ndërkohë që SpaceX po përpiqet të përmirësojë kapsulën “Crew Dragon”. SpaceX ka çuar vetëm ngarkesa në hapësirë dhe asnjëherë njëri.
“Është punë goxha e vështirë të rregullosh parashutat”, tha Musk, duke deklaruar se parashutat e kapsulës do të jenë 2 herë më të sigurta se ato të përdorura në periudhën e Apollo.
NASA dhe SpaceX kanë pasur marrëdhënie jo të mirë në vitet e fundit.
Suksesi i SpaceX për t’u bërë një lëshues lider i raketave për satelitët në dekadën e fundit është nxitur kryesisht nga kontratat e NASA dhe strategjia e agjencisë për të blerë shërbime nga kompani private dhe jo të zotërojë vetë teknologjinë.
