Personi që mbeti viktimë në Kavajë hyri me armë në banesën e të dashurës, pasi kishte marrë vesh se aty ndodheshin persona të tjerë.
Mësohet se në banesën e gruas me iniciale M.Q ishin polici i burgjeve që mbeti i plagosur dhe dy persona të tjerë.
Shtetasja M.Q ndërkohë ishte e martuar dhe burrin e kishte në Itali.
Viktima Dritan Haxholli kishte pasur një lidhje dashurie me gruan, por ishin ndarë pak javë më parë.
Ky i fundit nuk e kishte pranuar ndarjen. Së fundmi kishte marrë vesh se në shtëpinë e saj mbrëmjen e djeshme ndodheshin persona të tjerë.
Mëohet se Haxholli e kishte marrë vajzën në telefon dhe i ka thëne se nëse ndaheshin, nuk do ta linte të qetë.
Në këto kushte presioni, vajza e ka ftuar Haxhollin në banesë për t’u sqaruar. Po ashtu ajo ka thirrur mikun e saj Bletar Tocin, i cili i kishte ofruar ndihmë se do i zgjidhte konfliktin me ish të dashurin. Në momentin kur ndodhi ngjarja, në banesën e vajzës ishin edhe 2 persona të tjerë, miq dhe fqinje të së resë.
Në sherr e sipër, Haxholli ka qëlluar policin e burgjeve, Bledar Tocin, ndërkohë që ky i fundit i përgjigjet me pistoletën e shërbimit duke e goditur në qafë dhe lënë të vdekur.
VAZHDO TË LEXOSH MË TEPËR PËR TEMËN
‘Biznesmeni në Shkodër mund të jetë vrarë gabimisht’
