Po, është e vërtetë, edhe gjermanët gabojnë. Por në nivele të tilla quhet gafë e madhe. Federata Gjermane e Futbollit ka prezantuar zyrtarisht fanellat e reja për pjesëmarrjen e ekipit kombëtar në Euro 2020.
Një iniciativë që është mirëpritur nga tifozët, të cilët kanë nxituar për të bërë të tyrin modelin e ri. Por shumë prej tyre janë çuditur kur në dyqanin zyrtar online, fanellat që mund të porositnin ishin me gabime.
Emrat e futbollistit të Koln, Jonas Hector, si dhe i sulmuesit të Freiburg, Luca Waldschmidt, për çudinë e të gjithëve, ishin të shkruara gabim.
Në fillim u mendua se mos ishte ndonjë promocion i veçantë, por më pas fotot u ndryshuan gjatë pasdites duke u kthyer në versionin normal të emrave të këtyre dy futbollistëve.
“Adidas” shpjegoi edhe ngatërresën e bërë nëpërmjet një komunikate, duke siguruar tifozët se, pavarësisht porosive që mund të kishin bërë për fanellat me emrat e gabuara, në shtëpi do të merrnin ato me emrin origjinal të futbollistit.
VAZHDO TË LEXOSH MË TEPËR PËR TEMËN
Fiorentina përjetëson Davide Astorin
