Los Angeles Lakers edhe njëherë tjetër ka treguar forcën në Konferencën e Perëndimit, teksa fituan 122-101 ndaj Atlantas, duke kryesuar bindshëm renditjen.
Ndeshje e dominuar nga ekipi kalifornian, ku u dallua LeBron James me 34 pikë e 12 asist. Po në Perëndim, në fund të renditjes ndodhet skuadra e Golden State, që u mund 108-100 nga New Orleans.
Nënkampionët e NBA-së vazhdojnë të vuajnë mungesën e titullarëve (Paschall 30 pikë), ndërkohë që për vendasit u dalluan Reddick me 26 pikë e Holiday me 22 pikë.
Fitore në frymën e fundit arriti skuadra e Sacramentos, që mposhti 100-99 Boston, takim me shumë dramacitet në sekondat e fundit. Për vendasit u dallua Hield me 35 pikë, lider në fushë, ndërsa te Celtics mungoi lojtari lider.
Me lehtësi fiton ekipi i Denver, që mundi 131-114 Memphis. Për miqtë u dallua Murray, autor i 39 pikëve, mbështetur edhe nga Millsap me 23.
