Liverpool duket është më afër se kurrë për të fituar titullin kampion këtë sezon. Të Kuqtë kanë fituar 3-1 në shtëpi në duelin direkt me Manchester City dhe diferenca mes këtyre skuadrave ka shkuar në +9 pikë.
Ndeshja nisi në mënyrë krejt kaotike teksa lojtarët e Man City-t ishin akoma duke protestuar për një penallti të padhënë në favor të tyre pas një prekje të topit me dorë nga Alexander-Arnold, kur Fabinho ka shënuar golin e avantazhit për vendasit në minutën e 6’.
Mesfushori brazilian ka lëshuar një predhë nga distance, duke mposhtur Bravon. Mohamed Salah ka shënuar golin e dytë pak minuta më vonë pas një aksioni tipik të Liverpool.
City nuk kishte qetësinë mendore për të reaguar dhe pas pushimit erdhi goli i tretë i shënuar nga Sadio Mane me kokë pas krosit të Henderson. Miqtë nuk dorëzohen dhe madje rrisin nivelin e tyre të lojës duke sulmuar me agresivitet të madh.
Qytetarët gjejnë golin e parë të sfidës me Bernardo Silva-n, portugezi ka shënuar një gol të bukur me të parën. Megjithatë, dy gola avantazh janë shumë dhe The Reds kanë menaxhuar të ruajnë diferencën duke marrë një fitore të madhe.
VAZHDO TË LEXOSH MË TEPËR PËR TEMËN
Ringjallen “Djajtë e Kuq”, ngjiten të shtatët
Chelsea nuk ndalet, kap vendin e dytë
