Gjatë kësaj kohe të preokupimit amerikan me politikën e brendshme, Presidenti rus Vladimir Putin mund të jetë duke u përpjekur të futë një pykë në koalicionin e sanksioneve transatlantike.
Të premten e kaluar, Presidenti francez Emmanuel Macron njoftoi se më 9 dhjetor ai do të presë një samit me udhëheqësit e Rusisë, Ukrainës dhe Gjermanisë për të folur për luftën në Ukrainë për herë të parë në më shumë se tre vjet.
Por liderët evropianë duhet të kujtojnë se Ukraina nuk është arena e vetme në të cilën qeveria ruse vazhdon të sulmojë demokracitë perëndimore.
Rreziku është që Macron dhe kancelarja gjermane Merkel të guxojnë ti japin Putinit mundësinë e lehtësimit të sanksioneve. Kjo do të ishte një fitore shumë e madhe për Putinin, duke e lënë Amerikën të vetme në koalicionin e sanksioneve dhe dështimin për të imponuar kosto ndaj Rusisë për ndërhyrjen e vazhdueshme në zgjedhjet perëndimore.
Putini e di edhe këtë. Dhe ai me siguri llogarit tani sa është mundësia e tij për të prishur koalicionin ndërkombëtar të sanksioneve duke zhveshur evropianët.
Presidenti Donald Trump është në kërkim të një marrëveshje të politikës së jashtme dhe thotë se do të dëshironte ta ftonte Putinin përsëri në G7.
Në varësi të mënyrës sesi luhet politika, veçanërisht në Shtetet e Bashkuara, ky shpërqendrim dhe ‘’butësi’’ ndaj Rusisë mund të bëjë që ky të jetë momenti i Putinit.
Do të ishte një përparim i jashtëzakonshëm nëse Rusia tërheq plotësisht forcat e saj nga Ukraina. Sidoqoftë, lehtësimi i sanksioneve duhet të varet nga dy mënyra të tjera që Rusia po shkel sovranitetin e vendeve. Njëra është aneksimi i Rusisë në gadishullin e Krimesë. Dy është sulmi i vazhdueshëm ndaj demokracive perëndimore, përmes sulmeve në internet, operacioneve informative, financimeve të paligjshme dhe masave të tjera aktive.
Kjo nuk do të thotë që të gjitha sanksionet duhet të qëndrojnë në vend derisa të zgjidhen të gjitha këto probleme.
Ashpërsia e sanksioneve në secilën kovë duhet të jetë në përpjesëtim me rëndësinë e çështjes.
Nëse agresioni rus ndalet, Shtetet e Bashkuara dhe Evropa do të duhet të punojnë së bashku dhe të fillojnë lehtësimin e sanksioneve. Por duke pasur parasysh situatën, ligjvënësit amerikanë dhe kandidatët për president duhet të nxisin Evropën të përmbahet nga heqja e sanksioneve të tyre ekonomike ndaj Rusisë dhe gjithashtu duhet t’i sinjalizojë Moskës që të presë sanksione shumë më të forta financiare nëse vazhdon të ndërhyjë në demokraci.
E kundërta do ta bënte Rusinë të vazhdojë të ndjehet e guximshme për të goditur drejtpërdrejt kryeqytetet perëndimore.
Josh Rudolph është bashkëpunëtor në Aleancën për Sigurimin e Demokracisë, një organizatë dypartiake transatlantike me qëllimin për të kundërshtuar përpjekjet për të dëmtuar institucionet demokratike në Shtetet e Bashkuara dhe Evropë.
VAZHDO TË LEXOSH MË TEPËR PËR TEMËN
“Rusia nuk mund ta zëvendësojë kurrë SHBA-në”
‘Pa SHBA, Gjermani dhe Rusi nuk ka marrëveshje’
“Politikanët premtojnë të ndërtojnë ura edhe aty ku s’ka lumë”
