Papa Françesku ka vendosur të dërgojë një kontribut fillestar në këtë fazë temergjente prej 100 mijë eurosh në ndihmë të popullit shqiptarë, të goditur nga tërmeti i 26 nëntorit.
Lajmin e bëjnë me dije mediat italiane, të cilat shkruajnë se në Shqipëri tërmeti ka shkaktuar dëme të mëdha dhe një numër të madh viktimash.
“Në këtë mënyrë Ati i Shenjtë dëshiron të shprehë afërsinë e tij shpirtërore dhe mbështetjen e tij atërore ndaj njerëzve dhe vendeve të prekura”, thuhet në komunikatë.
Një ditë më parë, Papa Francesco, nga sheshi i Shën Pjetrit ka shprehur solidarizim me popullin shqiptar, pas trërmetit të rëndë 6.4 ballë, që pasoi dhjetëra viktima.
Teksa shpreh ngushëllimet për familjarët e viktimave, Papa thotë se shqiptarët janë populli që ai do shumë, ndërsa Shqipëria ka qenë vendi i parë që ka dashur të vizitojë.
“Dëshiroj t’i dërgoj përshëndetjen dhe afërsinë time popullit shqiptar që ka vuajtur aq shumë këto ditë. Shqipëria ka qenë vendi i parë i Evropës që kam dashur të vizitoj. Jam afër viktimave, lutem për të vdekurit, për të plagosurit dhe për familjet.
Zoti bekoftë këtë popull që e dua aq shumë”, tha Papa.
VAZHDO TË LEXOSH MË TEPËR PËR TEMËN
“Më i forti në dekada”, mediat e huaja raportojnë tërmetin tragjik
“Moment dramatik” Rama: Fatkeqësisht kemi jetë të humbura
