KF Shkëndija, të dielën, në kuadër të xhiros së 17-të në Maqedoninë e Veriut, përballet me Shkupin në Tetovë dhe kryesia e klubit vendosi që të ardhurat nga shitja e biletave të bashkohen me donacionet e lojtarëve dhe kryesisë për familjet e goditura nga tërmeti në Shqipëri.
Në një javë më shumë emocionale të ndikuar nga fatkeqësia natyrore që goditi Shqipërinë, skuadra kuqezi vazhdon punën për sfidën e radhës në kampionat.
Përveç vlerës së pikëve në aspektin garues, takimi i të dielës është mundësi e mirë për bashkim të forcave bashkë me publikun në aksionin humanitarë për grumbullimin e mjeteve për familjet e goditura nga tërmeti në Shqipëri.
Me këtë rast inkurajohen gjithë qytetarët që të vijnë në numër sa më të madh në këtë ndeshje dhe me blerjen e biletës të bashkohen në këtë aksion humanitar.
Mjetet e grumbulluara do të bashkohen me donacionin e mbledhur nga lojtarët dhe kryesia e Shkëndijës, për t’u adresuar të gjitha në zonat e prekura nga fatkeqësia në Durrës e rrethina.
Përballja Shkëndija-Shkupi luhet të dielën në stadiumin e qytetit në Tetovë me fillim në orën 13:00.
VAZHDO TË LEXOSH MË TEPËR PËR TEMËN
“Zemra më djeg, kur të shoh në zi…”
1 minutë heshtje në Maqedoni, “Shvercerat” përkrah Shqipërisë
Kosova rinis futbollin me lot e heshtje për Shqipërinë
