Edhe pse stina e vjeljes së ullirit ka mbërritur këtë vit fermerët e fshatit Kreshpan të Fierit nuk kanë se çfarë të mbledhin.
Ata thonë se faktorët kryesor kanë qenë klima jo e favorshme për prodhim dhe mungesa e ujit.
“Prodhimtaria është e dobët, vjet mora 48 kv ullinj, këtë vit 5 kv”.
“Zoti lart e ka në dorë”.
Për shkak të rendimentit të ulët të prodhimit të ullinjve edhe në fabrikat e prodhimit të vajit të ullirit ka një ulje të prodhimit si rrjedhojë edhe të punës.
“Fabrika jonë nuk po punon me kapacitet të plotë 24 orë, por 12-13 orë punon”
Banorët e Kreshpanit i janë rikthyer prej vitesh kulitivimit të ullirit, madje nuk mungojnë edhe rastet kur emigrantët nga Anglia kthehen për të vjelë ullinjte e tyre në fshat dhe më pas për ta tregtuar deri në Angli.
Piro Tahiraj prej vitesh jeton në Angli, ku tregon se vajin e ullirit e preferojnë shumë.
“Unë kam filluar dhe ta shes, të bëj biznes të vogël tek emigrantësh shqiptarë dhe tek një numër i vogël i kufizuar sot për sot anglezësh të cilët janë të kënaqur me këtë vaj bio”
Aktiviteti kryesor i banorëve të kësaj zone është kultivimi i ullirit, ndaj ata kërkojnë më shumë vëmendje nga qeveria.
