Buxheti i vitit 2020 ka të gjitha fondet e nevojshme për lehtësimin e pasojave të tërmetit e për të nisur një proces rimëkëmbjeje.
Sikurse parashikohet në dokumentin zyrtar të buxhetit 2020, fondi për rindërtimin prej 20 miliard lekësh si dhe bonusi i qirave prej 1 miliardë lekësh nuk prek investimet në sektorët prioritar të vendit, duke bërë të mundur kështu financimin e të gjitha projekteve që ishin parashikuar me synim realizimin e rritjes ekonomike dhe stabilitetin financiar.
“Mënyra më e mirë për të përmirësuar situatën në çdo familje të prekur nga tërmeti është që të vijojmë me të gjitha projektet e parashikuara më parë se vendi të goditej nga tërmeti i 26 nëntorit”– deklaroi ministrja Denaj në fjalën e saj gjatë seancës plenare të Kuvendit.
Për vitin 2020 rritje ekonomike parashikohet 4.1% një rritje e gjeneruar kryesisht nga kërkesa e brendshme si konsumi dhe investimet. Investimet publike për vitin 2020 janë në masën 4.7% e Prodhimi të Brendshëm Bruto ose 83.8 miliardë lekë.
Shpenzimet që janë planifikuar synojnë finalizimin e projekteve që lidhen me të rrugët nacionale, mbështetjen e sektorit të ujit, shëndetësisë, arsimit dhe sektorit të bujqësisë.
VAZHDO TË LEXOSH MË TEPËR PËR TEMËN
“Nuk cënohen shërbimet, pagat dhe pensionet”
Programi për rindërtim, nuk cënohet buxheti
Kush përfiton dhe kush jo nga Programi i Rindërtimit?
