09.12.2019 - 18:57
Ministrja e Arsimit, Besa Shahini, njofton se shkolla “Emin Duraku”, në Tiranë, qëndron e hapur, ndonëse është dëmtuar nga tërmeti i fuqishëm i 26 nëntorit.
Përmes një mesazhi në “Facebook”, ministrja thekson se mësimi në këtë shkollë do të zhvillohet me dy turne, pasi pjesa e dëmtuar nga tërmeti nuk do të përdoret.
“Vendimin për të hapur një shkollë apo për ta mbajtur të mbyllur e kemi marrë pas vlerësimit të inxhinierëve bashkiakë dhe Institutit të Ndërtimit.
Rrjedhimisht, shkolla “Emin Duraku” Tiranë qëndron e HAPUR dhe do të punojë me dy turne sepse në pjesën më të madhe është plotësisht në rregull.
Pjesa e dëmtuar nuk do të përdoret deri në sanimin përfundimtar të saj nga Bashkia”, shkruan ministrja Shahini.
VAZHDO TË LEXOSH MË TEPËR PËR TEMËN
"Synon përfshirjen e të rinjve në..."
Akuzat për projekt-ligjin për rininë, përgjigjet Besa Shahini
Me mundësi shtyrjeje
Besa Shahini: Nesër mësuesit në punë, në Tiranë mësimi nis në 5 dhjetor
Detaje të reja
