Disa kilometra në veri të Prilepit, në kodrën e gurtë të Zlatovërvit, shtrihet një nga manastiret më të bukura ortodokse në Ballkan.
I ndërtuar në motet bizantine, në shekullin e dymbëdhjetë, manastiri i Treskavecit mban sqimën se ka koleksionin më të madh të afreskave bizantine, shkruan Konica.al.
Në shekullin e katërmbëdhjetë, ky manastir vetmitar do të meremetohej edhe nga mbretërit serbë Stefan Mullutin si dhe Stefan Deçani.
Por, një dokument nga viti i largët 1354 jep një të dhënë interesante edhe për shqiptarët rrënjës të kësaj treve.
Fshati Arbanas në rrethinën e Prilepit përmendet si i varur në konventën e manastirit të Treskavecit.
Kjo përmendje eksplicite e shqiptarëve ortodoksë është një nga dëshmitë e pakundërshtueshme të pranisë shqiptare në Maqedoni.
Edhe studiuesi Qemal Murati vëren se një kullosë kodrinore në anë të Prilepit mban emrin Arbanas. /konica.al/
© Salih Mehmeti | Konica.al
