MENU
klinika

Operacion i madh antikontrabandë

‘Gorica’/ Arrestohen 5 punonjës të Doganës, 7 shpallen në kërkim

08.12.2019 - 18:07

Policia e Korçës në bashkëpunim me SHÇBA kanë finalizuar me sukses operacionin e koduar “Gorica”, duke arrestuar 5 punonjës të Doganës, kurse kanë shpallur në kërkim 7 persona të tjerë.

Të arrestuarit dhe të shpallurit në kërkim akuzohen për një sërë veprash penale, si kontrabanda, korrupsioni e shpërdorimi i detyrës.

Punonjësi i Doganës i arrestuar nga policia e SHÇBA quhet Shpendi Dragolli.

Njoftimi i policisë:

Korçë

Finalizohet operacioni antikontrabandë i koduar ‘Gorica’. Operacioni nga DVP-Korçë në bashkëpunim me Sektorin e SHÇBA.

Arrestohen në flagrancë 5 shtetas nga të cilët 1 doganier, 3 punonjës të Policisë Kufitare, 1 shtetas, si edhe shpallen në kërkim 7 të tjerë.

Sekuestrohet sasi e konsiderueshme mallrash të dyshuara kontrabandë (konfeksione dhe goma mjetesh të përdorura).

Strukturat e Drejtorisë Vendore të Policisë Korçë, në bashkëpunim me Sektorin e Shërbimit për Çështjet e Brendshme dhe Ankesat (SHÇBA) në Korçë, finalizuan me sukses operacionin policor të koduar ‘Gorica’, për goditjen e veprimtarisë së paligjshme të kontrabandimit me konfeksione dhe mallra të ndaluar, si rezultat i të cilit u bë arrestimi në flagrancë i shtetasve:

Sh.D., 35 vjeç, banues në Korçë, me detyrë doganier pranë Doganës së Goricës.
Y.Rr., 53 vjeç, banues në Tiranë, punonjës policie me detyrë përgjegjës turni.
B.H., 54 vjeç, banues në Korçë, punonjës policie me detyrë kontrollor.
J.K., 51 vjeç, banues në fshatin Kallamas, Pustec, punonjës policie me detyrë trup shërbimi, pranë Pikës së Kalimit Kufitar Goricë.
A.H., 58 vjeç, banues në Korçë.
Si edhe u shpallën në kërkim shtetasit:

M.K., 35 vjeç, banues në Bilisht; N.S., 44 vjeç, banues në Liqenas; A.H., 42 vjeç; E.Z., 44 vjeç; A.P., 37 vjeç; Dh.K., 23 vjeç; M.Xh., 35 vjeç, banues në Korçë.

Punonjësi i Doganës (shtetasi Sh.D.,) në bashkëpunim me punonjësit e policisë dhe shtetasit e lartpërmendur, kanë lejuar kalimin e 4 mjeteve tip kamion të ngarkuar me mallra të dyshuara kontrabandë konfeksione dhe goma automjetesh të përdorura, nga Pika e Kalimit Kufitar Goricë në territorin e Republikës së Shqipërisë, duke shmangur detyrimet doganore dhe falsifikuar të dhënat e mjeteve në dokumentacionet e tyre dhe në Sistemin Tims, ku 2 nga këto mjete u gjetën dhe bllokuan në cilësinë e provës materiale.

Po vijon puna për dokumentimin e plotë të ngjarjes, kapjen e personave të shpallur në kërkim, si edhe gjetjen dhe bllokimin e 2 mjeteve të tjera.

Materialet i kaluan Prokurorisë pranë Gjykatës së Shkallës së Parë Korçë për veprat penale “Kontrabandë me mallra të ndaluar”, “Kontrabanda me mallra të tjera”, “Kontrabanda nga punonjës që lidhen me veprimtarinë doganore”, “Falsifikimi i vulave, i stampave ose i formularëve”, “Korrupsioni aktiv i personave që ushtrojnë funksione publike”, “Shpërdorimi i detyrës”.

VAZHDO TË LEXOSH MË TEPËR PËR TEMËN


Greku ekstradohet nga Danimarka

Mashtrim miliona euro me TVSH-në në Shkodër


Policia rrugore pezullon patenta, vendos gjoba ‘të kripura’

“ROADPOL” në Pogradec e Korçë

Ndryshojnë sërish rregullat/ Sa kushton tamponi?

Qytetarët detyrohen të bëjnë testin e Covid

"Të rinj të pashpresë e të papunë"

Bizneset në Korçë mbyllin qepenat