Një brez i tërë tenistësh është në prag të tërheqjes, duke nisur nga legjenda si Roger Federer e deri te tenistja daneze Caroline Wozniacki, ish-numri 1 në botë për femra në tetor 2010.
Wozniacki ka deklaruar se pas grand slam të Australian Open do të tërhiqet përfundimisht nga sporti, pasi nuk mundet të përballojë intensitetin që ka tenisi.
“Kam luajtur si profesioniste që kur isha 15 vjeçe dhe kjo periudhë ka përfaqësuar një kapitull të rëndësishëm të jetës time. Kam fituar 30 trofe, kam qenë numri 1 në botë për 71 javë, kam fituar Australian Open në vitin 2018 dhe kam marrë pjesë në tri Olimpiada. Pra, realizova gjithçka kisha ëndërruar”, – tha Caroline Wozniacki.
Tenistja 29-vjeçare daneze e konfirmoi largimin e saj përmes një postimi në “Instagram” dhe lamtumira do të vijë në turneun e vetëm Slam që ka fituar në karrierën e saj.
VAZHDO TË LEXOSH MË TEPËR PËR TEMËN
