Ma shumë se vite

Cakrroma tasin me ujë
biri im
e ma shumë se vite mos lyp
se firohesh mallit
nuk t’duhen
m’sa motrës që iku
m’sa kromës n’lëkurën time
se heret prej rrudhave jam çua
vitesh me ecë
penit t’malluem rrugë me ba
M’u ngri m’u shkri m’u shtri fillimit
vegzave me hi
n’ashtin e lagun sofrën me shtrua
për mua e ty
e krypë me i vu kujtimit
Me i thye vitet si stolin tre rremësh
si bukën n’sofër me i hangër
si ujin n’gurrë me i pi
se tepër shumë janë ba
Cakrroma tasin me ujë lum baba
e mos lyp ma shumë se vite
ma shumë se stinë
se t’bahen tepër kur s’ka ma

Prishtinë, 18.12.2019