Kryeministri i Maqedonisë së Veriut, Zoran Zaev ishte pjesëmarrës një konferencë të përbashkët me kryeministrin e Çekisë, Andrei Babish, në kuadër të vizitës zyrtare të delegacioni të qeverisë së Maqedonisë në Çeki.
“Që nga marsi i këtij viti, deri në vizitën time sot, ka pasur 5 vizita si nga zyrtarë të lartë të Maqedonisë dhe Çekisë në të dyja vendet. Kjo flet mjaft për marrëdhëniet e shkëlqyera politike, lidhjet miqësore midis dy vendeve tona”– tha Zaevi.
Ai shtoi se Republika e Çekisë është një nga mbështetësit më të rëndësishëm dhe këmbëngulës të Maqedonisë së Veriut në integrimin në BE dhe NATO.
Republika e Çekisë, së bashku me Austrinë dhe Italinë, ishte vendi lider dhe nismëtar pas të cilave u rreshtuan 15 vendet anëtare të BE-së dhe me një letër drejtuar Komisionit Evropian bëri thirrje për përmirësimin e efikasitetit të procesit të pranimit.
“Këto janë vetëm disa nga gjestet e mëdha miqësore të Çekisë për Maqedoninë e Veriut. Ne jemi të inkurajuar nga angazhimi i vazhdueshëm për ta mbajtur çështjen e zgjerimit të dukshme dhe lartë në agjendën e BE-së pas Këshillit të BE-së në tetor.
Ne sinqerisht shpresojmë se ky presion do të sjellë rezultate dhe se vendimi për të filluar negociatat e pranimit me vendin tonë në të ardhmen e afërt do të arrijë shumë shpejt”– tha kryeministri Zaev.
Kryeministri Babish theksoi se Republika e Çekisë do të vazhdojë të mbështesë aspiratat evropiane të Maqedonisë së Veriut. Ai theksoi se vendi i tij vazhdon të këmbëngulë që kjo çështje të përfundojë me një rezultat pozitiv deri në mars të vitit të ardhshëm.
VAZHDO TË LEXOSH MË TEPËR PËR TEMËN
“Deri në dhjetor M. Veriut do anëtarësohet në NATO”
“Berlini dhe Parisi do bien dakord për t’i thënë ‘PO’ Tiranës e Shkupit”
“Faleminderit SHBA!”, Pendarovski drejtohet u shqip
