MENU
klinika

Fjala e Stoltenberg

“Deri në dhjetor M. Veriut do anëtarësohet në NATO”

25.06.2019 - 14:56

Procesi i ratifikimit të protokollit për anëtarësim të Maqedonisë së Veriut, do të përmbyllet deri në dhjetor të këtij viti, në mënyrë që vendi të mund të bëhet anëtare fuqiplotë e NATO-s, gjatë samitit të ardhshëm në Londër“, kështu është shprehur sekretari i Përgjithshëm i NATO-s, Jens Stoltenberg.

Kujtojmë që Maqedonia e Veriut përshpejtoi anëtarësimin në NATO pas zhbllokimit të procesit nga ana e Greqisë, e cila nuk pranonte të hapë rrugën për shkak të mosmarrëveshjeve lidhur me emrin.

Pas shumë mosmarrëveshjesh, në 2018 u arrit marrëveshja historike mes dy vendeve, ku parlamentet e dy vendeve miratuan atë duke mundësuar ndryshimin e emrit nga Maqedoni në Maqedoni e Veriut.

Fjala e Stoltenberg:

“Ratifikimi i protokolleve nga ana e vendeve anëtare të NATO-s po zhvillohet shumë shpejt. Për përfundimin e një procesi të tillë, si në rastin e Malit të Zi, është dashur një vit.

Nuk më përket mua të flas për shpejtësinë me të cilën ratifikohet protokolli, mirëpo do të ishte shumë mirë që procesi të përfundojë deri në dhjetor kur do të mblidhen udhëheqësit e NATO-s në Londër”, tha Stoltenberg.