Modelja e famshme Mama Cax është ndarë nga jeta në moshën 30-vjeçare.
E veçanta e saj ishte se njërën këmbë e kishte protezë dhe përsëri ishte ndër më të kërkuarat në botën e modës.
Ajo fluturoi nga Londra në New York për të realizuar një fotosesion, por papritmas u sëmur.
Cax e kaloi javën e fundit të jestës me dhimbje të forta barku dhe mpiksje gjaku, por nuk mbijetoi dot dhe u nda nga jeta në datën 16 dhjetor.
Familja publikoi një foto të modeljes në Instagram sot duke njoftuar vdekjen e saj:
“Me dhimbje dhe trishtim të jashtëzakonshëm njoftojmë ndarjen nga jeta të Cacsmy Brutus (Mama Cax)”, kanë shkruar ata.
Kur ishte adoleshente modelja vuajti nga kanceri por e fitoi betejën.
“Si një e mbijetuar nga kanceri, ajo ishte mësuar të kalonte me sukses sfidat e jetës. Ajo luftoi shumë për të jetuar ditët e fundit në tokë. Jemi të vetëdijshëm se kjo dhimbje do ndihet në gjithë botën dhe nuk do jetë e lehtë për askënd”, shkroi familja e 30-vjeçares.
Gjithashtu edhe Rihanna ka postuar një foto të saj në profil dudke shprehur ngushëllimet.
“Një mbretëreshë. Një forcë. Një bukuri që e solli forcën e saj këtë vit duke frymëzuar kaq shumë të gjithë globin. Pusho në paqe motër”, ka shkruar këngëtarja.
VAZHDO TË LEXOSH MË TEPËR PËR TEMËN
Lufta: Marguerite Duras dhe Hiroshima…
Mes arvanitasve, në gjurmët e konsullit Henri Belle
Çrregullimi nervor më i rrezikshëm që prek fëmijët!
