Disa nga problemet më të rënda kronike si urth dhe dhimbja e shpinës mund të shkaktohen nga sjellja e gabuar e gjumit. Edhe pse të gjithë e dimë se sa e rëndësishme është të shijosh një gjumë të mirë.
Ne kemi zbuluar se si disa nga problemet me të cilat ndeshemi në jetën tonë mund të lidhen me pozicionet më të zakonshme të pasakta të gjumit, si të flini me bark ose në krahun e djathtë dhe pse.
Shkakton urth
Të shtriheni në krahun e djathtë, ose drejtpërdrejt mbi shpinë mund të shkaktojë një problem të quajtur Sëmundja Reflux Gastroesophageal (GERD) ose të përkeqësojë këtë problem për këdo që e përjeton atë. Kjo ndodh kur acidi dhe përmbajtja nga stomaku shkon në ezofag. Valvula që parandalon kthimin e acidit nga zona e stomakut nuk mund të kontrollojë refluksin për shkak të peshës në këto pozicione, duke shkaktuar urth, shqetësim, shijen e acidit në gojë, frymë e keqe dhe ndonjëherë edhe dhimbje në gjoks.
Është më mirë të:
Flini në krahun tuaj të majtë dhe shtoni një pjerrësi në pjesën e sipërme të trupit tuaj. Kjo është provuar për të ndihmuar njerëzit që përjetojnë episodet e refluksit të ndjejnë lehtësim. Në këtë pozicion gjumi stomaku është në pozicionin e duhur që detyron ushqimin të qëndrojë në stomak dhe të mos rrjedhë në zonën e sipërme të stomakut dhe jashtë valvulës së ezofagut.
Është e keqe për shtyllën kurrizore
Ky qëndrim gjumi lidhet me dhimbje kronike në shpinë, sipas ekspertëve. Presioni i vendosur mbi shpinë gjatë natës në këtë pozicion është ekstrem sepse shumica e peshës tuaj mbahet në ato pjesë të trupit. Shtylla kurrizore nuk është e vendosur në një pozicion të rehatshëm dhe kjo është arsyeja pse ju ndonjëherë mund të ndjeheni të mpirë.
Është më mirë të:
Nëse nuk mund të bini në gjumë në ndonjë pozicion tjetër, atëherë mund ta rregulloni këtë pozicion gjumi në një mënyrë që të ndihmojë shtyllën kurrizore. Provoni të vendosni 2 jastëkë nën trupin tuaj, një nën legenin tuaj dhe një tjetër nën kokën tuaj.
Mund të shkaktojë probleme kronike në qafë
Është e pamundur të marrësh frymë siç duhet kur fle me bark nëse nuk e kthen qafën në njërën anë. Ky pozicion i gjumit mund të çojë në zhvillimin e problemeve kronike të qafës, si hernie. Kockat në palcën kurrizore mbrohen nga disqe. Një pozicion i vazhdueshëm i dobët i gjumit mund të dëmtojë pjesët xhelatinoze të atyre disqeve dhe të çojë në dhimbje kronike.
Është më mirë të:
Gjumi në shpinë është pozicioni më natyral për të gjithë trupin tuaj. Mjekët sugjerojnë këtë pozicion tek personat që vuajnë nga dhimbje kurrizore dhe artriti. Është më mirë të flemë me një pjerrësi të vogël nën qafë me një jastëk.
Mund të bëjë presion tek fëmija
Nëse do të bëheni nënë, duhet të tregoheni shumë të kujdesshme me zakonet tuaja të gjumit, jo vetëm për fëmijën tuaj, por edhe për shëndetin dhe komoditetin tuaj. Fjetja me bark është pozicioni numër një për të shmangur sepse pesha në mes të trupit tuaj ju bën presion shumë në shpinë. Për më tepër, kjo gjendje nuk i jep foshnjës tuaj hapësirën e nevojshme për të lëvizur lirshëm.
Është më mirë të:
Mjekët këshillojnë të gjitha gratë shtatzëna të provojnë të flenë në anën e tyre të majtë, pasi ky pozicion rrit rrjedhjen e gjakut dhe siguron nivelin maksimal të oksigjenit si për nënën ashtu edhe për fëmijën.
Mund të shkaktojë rrudha në fytyrë
Gjumi në njërën anë të fytyrës tuaj në jastëk është i pashmangshëm kur fle me bark ose në krahun tuaj. Studimet kanë treguar që kjo është gjëja më e keqe që mund t’i bësh fytyrës pasi që presioni i aplikuar në secilën anë të lëkurës suaj të fytyrës mund të shkaktojë rrudha me kalimin e kohës.
Është më mirë të:
Gjumi në shpinë është zgjidhja më e mirë për të shmangur rrudhat. Fytyra juaj nuk shtypet në jastëk, poret e lëkurës tuaj janë në gjendje të marrin frymë dhe ju po shmangni presionin në çfarëdo mënyre.
VAZHDO TË LEXOSH MË TEPËR PËR TEMËN
