Chelsea dhe Manchester United kanë bindur në javën e 22-të të Premier League, duke fituar përkatësisht 3-0 ndaj Burnley dhe 4-0 ndaj Norwich.
Më në fund, një paraqitje bindëse e “Djajve të Kuq” ndaj një kundërshtari që po vuan gjatë javëve të fundit. Rashford ka zhbllokuar rezultatin në pjesën e parë pas krosit të Juan Mata.
Pas pushimit Rashford dyshoi me penallti përpara se Martial të shënonte të tretin vetëm dy minuta më vonë. Greenwood ka shënuar golin e katërt pranë fundit të takimit teksa Man United ngjitet në vend të pestë të renditjes.
Chelsea ka dominuar në fitoren 3-0 ndaj Burnley në “Stamford Bridge”. The Blues, pas disa javëve të lëkundura, kanë shfaqur një formë të mirë teksa vazhdojnë të luftojnë për një vend në zonën e Champions League.
Jorginho kaloi vendasit në avantazh në mes të pjesës së parë nga pika e bardhë. Tammy Abraham ka dyshuar pak minuta më vonë, një gol që ka zhbllokuar sulmuesin që po vuante gjatë javëve të fundit. Pas pushimit Hudson-Odoi ka trefishuar teksa Chelsea mbetet në vend të katërt.
Në ndeshjet e tjera Leicester ka humbur brenda ndaj Southampton. Everton ka mposhtur Brighton 1-0 falë golit të Richarlison në pjesën e parë.
