Los Angeles Lakers merr fitoren e 7-të radhazi, duke kryesuar bindshëm në Konferencën e Perëndimit. Edhe pse pa Anthony Davis, skuadra kaliforniane triumfoi lehtësisht.
Ndaj Dallas Mavericks në transfertë, Lakers fituan me rezultatin 114-129, një sfidë që u vendos nga klasi i LeBron James autori i një paraqitjeje mbresëlënëse.
35 pikë 16 rebound dhe 7 asiste koleksionoi në total mbreti James, duke lënë në hije edhe yllin e Dallas, Luka Doncic, autor i 25 pikëve, por edhe 10 rikuperimeve poshtë tabelës dhe 7 asisteve.
Nuk fal as skuadra tjetër kaliforniane, Los Angeles Clippers, teksa thelloi krizën e Golden State Warriors, pasi triumfoi me shifrat 109-100, në një sfidë ku Kawhi Leonard ishte fantastik me 36 pikë.
Fitore e lehtë edhe për Milwaukee Bucks, që triumfoi në transfertën ndaj Sacramento Kings me shifrat 106-127. Middleton me 27 pikë dhe 11 rebound dhe Bledsoe me 24 pikë ishin dy lojtarët më të mirë për Bucks.
Vijon forma e shkëlqyer edhe për Utah Jazz që koleksionoi suksesin e 8-të rresht, pasi mposhti me shifrat 109-92 Charlotte Hornets.
