Nënkryetari i Lidhjes Demokratike të Kosovës, Lutfi Haziri, tha se bisedimet me Vetëvendosjen kanë zgjatur, por jo sa ka zgjatur certifikimi i zgjedhjeve të 6 tetorit.
Haziri thotë se roli i LDK-së duhet të jetë i barasvlefshëm me LV-në, në rast se dy partitë duan që të arrijnë marrëveshje.
“Pritjet kanë qenë se bisedimet do të kryhen shpejt dhe do të kemi marrëveshje me Vetëvendosjen. Sot e tutje kanë mbetur pak ditë deri më 4 shkurt, pjesa më e madhe e marrëveshjes është kryer, por duhet të jetë ndarje të drejt sipas formulës së LDK-së të datës 8 janar. Roli jonë duhet të jetë i barasvlershëm dhe se VV duhet ta shoh LDK së si pjesë të marrëveshjes”- tha ai sot për RTK.
Haziri ka përsëritur se LDK-ja insiston të ketë kryetarin e Kuvendit të Kosovës.
“Ne kërkojmë zbatim të marrëveshjes politike, ne e shohim kështu. Ne kemi votuar Glauk Konjuvcën, pasi që ne kishim dhënë fjalën, nëse dikush ka dashur të na sprovoj ne kemi dëshmuar atë”– tha ai.
Sipas tij LDK-ja e ka bërë të qartë, ose shkon me VV në qeveri ose shkon në opozitë.
“Zgjedhjet nuk janë zgjidhje”– përfundoi ai.
Për më shumë lajme vizitoni www.konica.al
VAZHDO TË LEXOSH MË TEPËR PËR TEMËN
Vetëm koalicioni parazgjedhor LDK-VV, e shpëton Kosovën
Weber: Problemi Kosovë-Serbi është politiko-ideologjik
