MENU
klinika

Zgjedhjet e vështira të presidentit turk

SHBA-Iran/ Cilën anë do të zgjedhë Erdogan?

10.01.2020 - 20:24

Presidenti turk Rexhep Tajip Erdogan theu heshtjen për vrasjen e komandantit të lartë iranian Qasem Soleimani më 5 janar.

Intervista e Erdogan ishte e përgatitur mirë: Ai shprehte respekt ndaj gjeneralit të vrarë, por gjithashtu ishte i përmbajtur.

Megjithatë, ndërsa fjalët e Erdoganit treguan simpati për komandantin, mediat pro-qeveritare të Turqisë po e demonojnë Soleimanin, duke e portretizuar atë si një vrasës të arabëve suni dhe një ish- bashkëpunëtor të Shteteve të Bashkuara.

Ndërsa raportet iraniane thanë që Erdogan i ishte referuar Soleimanit si dëshmor, Turqia thoshte se nuk ishte kështu.

Dhe Erdogan, i cili foli me Presidentin e SHBA Donald Trump disa orë para se të vritej Soleimani, e bëri të qartë se ai nuk ishte i vetëdijshëm për planet e SHBA, duke thënë se vdekja e komandantit iranian ishte “një tronditje”.

Erdogan tha se kishte këshilluar edhe Irakun dhe Iranin.Ai gjithashtu shtoi se ai besonte që Irani do t’i përgjigjej vrasjes.

Kjo ndodhi me të vërtetë më 8 janar, kur Irani nisi sulmin kundër dy bazave amerikane në Irak.

Ekzistojnë dy pyetje shumë të rëndësishme për Turqinë.

Së pari, ku do të qëndrojë Erdogan ndërsa konflikti mes Shteteve të Bashkuara dhe Iranit përshkallëzohet?

Thirrja e presidentit iranian Hassan Rouhani për unitet kundër agresionit amerikan me miqtë dhe fqinjët u kundërshtua nga kolumnistët pro-Erdogan.

Elitat politike janë të ndara në Turqi, me disa që thonë se Soleimani duhet të vajtohet edhe nëse ai ishte Shiit dhe Turqia është kryesisht Suni.

Ka shumë pyetje lidhur me vdekjen e Soleimanit. A e ndihmoi Irani Erdoganin gjatë përpjekjes për grusht shteti 2016? A e mbështeti Irani Partinë e Punëtorëve të Kurdistanit apo Njësitë e Mbrojtjes së Popullit të Sirisë Kurde? A ishte Soleimani arsyeja pse Turqia humbi në Siri? Apo ai ka ndihmuar në frenimin e sulmeve të Shtetit Islamik (IS) në Turqi? Shifrat pro-qeveritare kanë filluar të vënë në dyshim të gjitha këto ngjarje historike.

Ajo që Kina dhe Rusia do të vendosin për Iranin është gjithashtu e rëndësishme.

Erdogan tani është në një pozitë më të dobët për të sfiduar edhe Trump.

Për sa kohë që Turqia nuk e dëmton në mënyrë të konsiderueshme politikën e SHBA ndaj Iranit, SHBA nuk ka gjasa të sfidojë drejtpërdrejt operacionet e Turqisë në Libi.

Nëse Shtetet e Bashkuara vendosin sanksione të mëtejshme kundër Iranit dhe ndoshta Irakut, siç sugjeroi Trump, Turqia mund të vihej edhe më shumë në vështirësi për të bërë një zgjedhje.

Megjithëse ekzistojnë edhe disa faktorë të tjerë kur bëhet fjalë se si Ankaraja do të marrë vendimet e saj nëse konflikti midis Iranit dhe Shteteve të Bashkuara përshkallëzohet, këto zgjedhje mund të varen ngs fakti sa mësuan zyrtarët turq nga metodat e Soleimani për drejtimin e forcave Quds .

Sidoqoftë, nëse konflikti midis Teheranit dhe Uashingtonit e detyron Ankaranë të zgjedhë, niveli i suksesit të Erdoganit mund të varet nga sa mirë ai mund të menaxhojë ekipin e tij, veçanërisht Organizatën Kombëtare të Inteligjencës.

Përkthyer dhe përshtatur nga Al-Monitor/ konica.al

VAZHDO TË LEXOSH MË TEPËR PËR TEMËN


"Vepruam të ndalonim luftën, jo ta fillonim..."

Vrasja e gjeneralit iranian, reagon Donald Trump

Nga Gjermania e Franca, te Rusia e Kina

Si reagoi bota për vrasjen e gjeneralit iranian nga SHBA?


Drejtuesit e rinj të institucioneve evropiane

Liderat e BE-së ‘shpallin luftë’ për emërimet

“Kina po zgjat pushtimin rus të Ukrainës”

Stoltenberg: Nëse Pekini nuk ndryshon kurs, aleatët duhet të…

Vizita e parë pas 24 vitesh

Pse po shkon Putin në Korenë e Veriut

Si Uashingtoni nxiti Pekinin të pushtonte ishullin

Anijet e aleatëve të SHBA lundrojnë në “oborrin kinez”