Drejtuesit e automjeteve tashmë janë duke ndjerë efektet e rritjes së çmimit të naftës, me tensione në rritje midis SHBA dhe Iranit të vendosur t’i çojnë ato më lartë, sipas RAC.
“Çmimet në pompë (në vendet ku klientët blejnë benzinë për makinat e tyre) tashmë janë rritur me rreth një qindarkë për një litër”- tha Simon Williams, i cili ndjek çmimet e karburantit për kompaninë. Petroli aktualisht është 1,27 £ për litër, me naftë që kushton 1,32 £, tha ai.
Por Brian Madderson, kryetari i Shoqatës së Shitjes me pakicë të Petrolit, tha “Çmimet do të rriteshin gjithsesi.”
Ai është kundër përpjekjeve të shpejta për të gjetur një lidhje midis rritjes së tensioneve gjeopolitike në Lindjen e Mesme dhe rritjes së fundit të çmimit të karburantit.
Sidoqoftë, Z. Williams i RAC tha që rritjet e çmimeve mund të bëhen më të theksuara nëse rriten tensionet midis SHBA. dhe Iranit.
“E gjitha varet nga ajo që ndodh ndërmjet Teheranit dhe Uashingtonit. Nëse marrëdhëniet tensionohen, atëherë tregtarët e naftës do të shqetësohen më shumë dhe do të mund të shohim rritje të çmimit.”
Faktorët më të gjerë
Çmimi i naftës është rritur në shumë deri në 6.7% qëkur SHBA. vrau komandantin ushtarak iranian Qasem Soleimani në një sulm me dronë të urdhëruar nga Donald Trump. Por kostoja e naftës nuk është i vetmi faktor që ndikon në çmimet e benzinës.
Z. Williams tha: “Ka disa gjëra për fat të keq që komplotojnë që çmimi i karburantit të rritet”. Karteli i prodhuesve të naftës Opec, Organizata e vendeve eksportuese të naftës, ka kufizuar furnizimin e naftës me qëllim që të detyrojë një rritje të çmimeve.
Si funksionon çmimi i benzinës?
Më shumë se gjysma e çmimit të benzinës shkon në Thesar. Si pjesë e çmimit të benzinës, automobilistët paguajnë taksat më të larta në Evropë, sipas RAC. Rreth 82 p shtohen në çdo litër të blerë.
Pjesa tjetër e çmimit të karburantit përcaktohet nga ajo që stacioni juaj mbushës pagoi për të.
Ndryshimet në vlerën e paundit mund të kenë ndikim, pasi nafta çmohet në dollarë. Nëse paundi dobësohet ndaj dollarit, atëherë do të jetë më e kushtueshme për një shitës me pakicë në Mbretërinë e Bashkuar të blejë naftë.
A duhet të rriten çmimet e benzinës për shkak të tensioneve midis SHBA dhe Iranit?
Jo domosdoshmërisht. Nuk ka rregulla se si çmimet e benzinës duhet të reagojnë ndaj ndryshimeve në çmimin e naftës.
Por Z. Williams i RAC thotë se ajo që paguajmë për karburant ka tendencë të “rritet si një raketë” në lajmet e rritjes së çmimit të naftës, por pastaj ajo rrallë zvogëlohet përsëri me të njëjtin ritëm kur nafta bëhet më e lirë.
Michael Haigh, kreu i kërkimit të mallrave në Societe Generale, tha: “Një drejtues politik i vrarë më 3 janar nuk duhet të ndikojë teorikisht në atë që paguan në pompë.”
Kompanitë mund të blejnë benzinën e tyre para kohe, shpjegoi ai, dhe ata e blejnë atë me shumicë direkt nga kompanitë e energjisë.
Supermarkete të tilla si Morrisons dhe Tesco kanë tendencë të punojnë me kontrata të shkurtra, të cilat çmimet i bëjnë nga tregjet e naftës në baza dyjavore. Prandaj, nëse frika e furnizimit godet me të vërtetë tregun, atëherë çmimi i atyre kontratave do të rritet.
“Nëse çmimet e naftës shkojnë deri në 80, 90 dollarë ose 100 dollarë për fuçi, të gjithë do ta ndiejnë atë në pompë”- tha Z. Haigh.
/Përkthyer dhe përshtatur për Konica.al nga BBC .
VAZHDO TË LEXOSH MË TEPËR PËR TEMËN
Çmimi i naftës, rrezik për ekonominë
