Derisa Lëvizja Vetëvendosje dhe Lidhja Demokratike e Kosovës po vazhdojnë ta zvarrisin procesin e negociatave për arritjen e marrëveshjes, presioni ndërkombëtar për krijimin sa më të shpejtë të qeverisë, po rritet.
Edhe pse kërkesat për një gjë të tillë kanë nisur që pas përfundimit të zgjedhjeve të 6 tetorit dhe janë duke vazhduar ende, LVV dhe LDK akoma nuk i kanë dhënë epilog kësaj çështjeje.
Ndonëse kanë kaluar më shumë se tre muaj prejse janë mbajtur zgjedhjet e parakohshme parlamentare, LVV-ja dhe LDK-ja ende nuk kanë arritur një marrëveshje finale për bashkëqeverisje.
Pavarësisht thirrjeve të vazhdueshme të bashkësisë ndërkombëtare që qeveria e re të formohet sa më parë, palët negociuese akoma nuk kanë gjetur një gjuhë të përbashkët për ta finalizuar këtë çështje.
Sidoqoftë, kërkesat e ndërkombëtarëve për formim të qeverisë së ardhshme edhe gjatë kësaj jave u adresuan në drejtim të partive dialoguese. Ata kërkuan nguti në këtë drejtim, rrjedhimisht bërje sa më të shpejtë të qeverisë së re.
VAZHDO TË LEXOSH MË TEPËR PËR TEMËN
LDK konfirmon ofertën e re të VV’së
Pas takimit me Kurtin, Walker la dy porosi
