Spitali i Durrësit është përfshirë nga flakët gjatë orëve të para të mesnatës.
Zjarri ka rënë në sektorin e Kirurgjisë dhe ka përfshirë më pas edhe katet e tjera të spitalit, duke djegur kabinën elektrike, dhe për pasojë duke mbushur me tym pavionin dhe duke rrezikuar jetën e pacientëve nga asfiksia.
Shkak për rënien e zjarrit dyshohet të ketë qenë një shkëndijë elektrike. Punonjësit e spitalit ishin të parët që vunë në lëvizje pacientët, ndërkohë që në vendngjarje mbërritën edhe forcat zjarrfikëse e policia, duke bërë të mundur evakuimin e pacientëve dhe materialeve në spital.
Bashkë me zjarrfikësit e Durrësit, në shuarjen e flakëve dhe evakuimin e pacientëve u angazhuan dhe zjarrikëset e Shijakut. Ndërkohë, nuk ka ende një reagim zyrtar për zjarrin, por fatmirësisht nuk raportohet për njerëz të lënduar.
VAZHDO TË LEXOSH MË TEPËR PËR TEMËN
“SOS” në mes të detit në Durrës, italiani aksidentohet në jaht
Apeli i Durrësit lë në burg policin Bledar Toçi
