Kishin premtuar se do të ishte një super koncert dhe e mbajtën fjalën. ‘3 Musketjerët’ ngritën peshë sallën e mbushur plot , të “Gazi Muzic Hall” mbrëmë në Athinë.
Kur është fjala për muzikë të mirë, ajo vërtet i kapërcen kufijtë dhe bashkon dy popuj. Elton Deda, Redon Makashi, Aleksander Gjoka së bashku me orkestrën simfonike të radio televizionit grek, interpretuan para një publiku shqiptare e greke këngët e tyre më të mira. Në një sallë magjike ata performuan edhe me artistët e njohur grek Kristo Dantis dhe Thanasis Polikandriotis.
Një projekt që ka brenda edhe bamirësinë, pasi pjesë e të ardhura nga shitja e biletave do të shkojnë për programin e rindërtimit të zonave të goditura nga tërmeti i 26 nëntorit në Shqipëri.
Një bashkëpunim shqiptaro-grek që nisi në amfiteatrin e Tiranës në tetor të 2019 dhe po finalizohet në shtetin fqinj nën kujdesin e veçantë të ambasadës se Shqipërisë në Greqi me këto dy koncerte madhështore, i pari i mbajtur mbrëmë në Athinë dhe i dyti në Selanik më datë 13 shkurt në principal club.
VAZHDO TË LEXOSH MË TEPËR PËR TEMËN
“Kam pirë 3 autobotë me alkool!”
Një gozhdë, ku var romanet e mia
