MENU
klinika

"Neglizhencë kriminale'

Basha: Merrni masa konkrete për kontrollin e qytetarëve nga Italia

25.02.2020 - 14:41

Kreu i PD, Lulzim Basha i ka bërë sërish apel qeverisë të marrë masa për të luftuar rrezikun që i kanoset Shqipërisë prej koronavirusit. Basha shprehet se qeveria duhe të lërë propagandën dhe të hartojë një plan urgjent masash dhe informimin e qytetarëve.

Po ashtu ai shprehet se qytetarëve duhet t’i sigurohen kushte, duke kujtuar banorët të cilët janë ende në çadra në kushte të këqja higjienike.

  • Statusi i Lulzim Bashës:

Qeveria duhet të ndalë menjëherë propagandën dhe të marrë masa konkrete për kontrollin e qytetarëve që vijnë nga Italia, kryesisht nga rajonet ku corona virusi ka përhapjen më të madhe.
Këto masa nuk mund të jenë show televiziv, por kontrolle të plota në të gjitha pikat hyrëse në Shqipëri. Është urgjent hartimi dhe shpallja e planit të masave dhe informimi i qytetarëve si duhet të veprojnë në rast të dyshimit se janë të prekur nga corona virus.

Ndërkohë që Shqipëria ndodhet përballë rrezikut potencial të prekjes nga corona virus, mijëra bashkëqytetarë ndodhen në kushte të mjerueshme për shkak të tërmetit të 26 nëntorit. Në mungesë të një strehe ata jetojnë ende në çadra ose janë rikthyer në banesat e dëmtuara, në kushte aspak të favorshme higjenosanitare dhe me mungesa të theksuar në ushqime.

Është neglizhencë kriminale të humbet akoma kohë, kur duhen marre masa urgjente për strehimin apo sigurimin e konteniereve për banorët që jetojnë në çadra, çka ka sjellë dhe gjendje të rënduar shëndetësore dhe kushte aspak të përshtatshme higjeno-sanitare për ta.

Njerëzit janë të shqetësuar me të drejtë, ndaj është koha që të flasin mjekët dhe të izolohet propaganda.

Dhe njëherë u bëj thirrje qytetarëve që të mos neglizhojnë asnjë shenjë rëndimi apo përkeqësimi të shëndetit të tyre por t’u drejtohen mjekëve dhe specialistëve të fushës. Ne kemi personel të shkëlqyer mjekësor që nuk kërkon asgjë më shumë se plotësimin e kushteve dhe nevojave për të përballuar çdo situatë

Detyra e qeverisë është të sigurojë këto kushte dhe jo të bëjë show dhe propagandë. Jam i bindur se nëse vihen në dispozicion mjetet e nevojshme, mjekët tanë do të përballojnë me sukses çdo situatë që mund të krijohet.

VAZHDO TË LEXOSH MË TEPËR PËR TEMËN


"Në çdo pikë kontrolli kufitar dhe QSH"

Koronavirusi, Basha thirrje qeverisë: Të merren masa serioze!


Lleshaj me mesazh pas situatës në Kakavijë

‘Shtyni planet e udhëtimit, ose prisni në fshatrat afër’

"Po ia lëmë vendin Turqisë, prania e forcuar nga miqësia mes Erdogan dhe Ramës"

Romano Prodi kërkon strategji kombëtare për Shqipërinë

Veliaj: Do jetë shtëpia e re e artit dhe e bashkimit

Përfundojnë sondat gjeologjike tek trualli i teatrit të ri