Sot punonjësit e stacionit elektrik dhe të pompimit në Poçëm, kanë hyrë në ditën e tretë të grevës së urisë. 16 punëtorët kërkojnë që të marrin pagat që sipas tyre ka prej 27 muajsh që nuk i marrin. Gjendja shëndetësore e grevistëve ka filluar të rëndohet për shkak të mungesës së ushqimit.
Grevistët shprehen se askush nuk ka ardhur t’i shohë dhe se asnjë institucion nuk ka ndërmarrë asgjë për pagesat e tyre. Ndërkohë ditën e djeshme ata kanë thënë se nuk do të ndalen deri në marrjen e rrogave të plota. Për të parë gjendjen e tyre shëndetësore kanë ardhur mjekë nga qendra shëndetësore e Fratarit.
Doktor Shefqet Zylali: Gjendja e tyre shëndetësore po rëndohet dhe ata kanë nevojë për ndihmë të menjëhershme. Grevistët varen nga Uzina e naftës në Ballsh, e cila pas privatizimit ka ndryshuar brenda një kohe të shkurtër shumë pronar. Greva e urisë ishte e paralajmëruar edhe më herët.
VAZHDO TË LEXOSH MË TEPËR PËR TEMËN
