Ish-partnerja e Kryeministrit Rama, Matilda Makoçi, është rrëfyer si rrallëherë për jetën e saj larg syve të publikut, në një intervistë për “A2 News”. Makoçi tregoi se hoqi dorë nga karriera e saj për t’iu përkushtuar totalisht të birit, Gregor Ramës, ndërsa ka rrëfyer më tej edhe marrëdhënien e saj me të. Gjithashtu, aktorja ka folur edhe për marrëdhënien e të birit me të atin, Edi Ramën dhe bashkëshorten e tij, Lindën.
“Shoqërohej, domethënë flinte atje me ata dhe tani shkon shpesh. Tani e kishin marrë për pas tërmetit ndenji ca ditë atje në shtëpinë e tyre, por do rehatinë e vet, nuk është se do të rrijë një vend, ose të shkojë tek baba e vet, edhe për konjukturë për të thënë që është me babën ose kështu. Por nuk e bën, rri vetëm , i pëlqen shumë, ia del, i përballon gjërat me mundësitë e veta, me miqtë e vet, e ndihmon dhe gruaja e Edit, është grua shumë e mirë.”- ka treguar aktorja.
Gjithashtu, Makoçi tregoi se ka bërë një jetë të thjeshtë dhe i marrë të gjitha kënaqësitë e saj sipas fazave të jetës. “Jeta ime ka qenë e thjeshtë, nuk është ndonjë jetë me tensione të mëdha me emocione të papërmbajtshme, i kam marrë kënaqësitë që vajzë, që në shkollë që me djalin dhe tani me kete mundësi jetese. Nuk kam pakënaqsi, e mira nuk ka fund, por nuk jam e pakënaqur.”- ka rrëfyer ajo.
Matilda Makoçi ishte një prej aktoreve më të njohura të kinematografisë shqiptare në vitet ’80-’90, ndërsa tashmë jeton në një apartament me prindërit e saj në Tiranë.
