Greqia do të ndërtojë dy kampe të reja të përkohshme për pritjen e qindra migrantëve, të mbërritur këto ditët e fundit pas ndryshimit të politikës së Turqisë, njoftoi sot ministri i Migracionit.
“Ne do të ndërtojmë dy kampe të mbyllura në rajonin e Serres dhe në rajonin e Athinës, me 1 000 vende”, deklaroi Notis Mitarachi për stacionin televiziv, Skai TV.
“Ne kemi nevojë për mbështetjen e popullsisë lokale. Ne nuk mund t’i lëmë të gjithë këta njerëz në ishuj”, shtoi ai.
Këto kampe do të presin azilkërkuesit e mbërritur pas 1 marsit, pas njoftimit nga Turqia se nuk do të pengonte më refugjatët apo migrantët të niseshin drejt Greqisë apo pjesëve të tjera të Europës.
Më shumë se 1 700 migrantë kanë mbërritur këtë javë në Lesbos dhe në katër ishujt e tjerë të Detit Egje duke iu shtuar 38 000 migrantëve të tjerë të pranishëm tashmë duke mbipopulluar kampet e refugjatëve në kushte shumë të këqija.
VAZHDO TË LEXOSH MË TEPËR PËR TEMËN
“Vendimi për emigrantët konfirmon orientimin e ri të Shqipërisë”
BE kërkon ‘ndihmë’ nga Afrika për çështjen e emigracionit
“Shqipëria po boshatiset, por atje iu japin punë”
