Apple do të paguajë deri në 500 milionë dollarë për ta zgjidhur me marrëveshje procesin gjyqësor ku akuzohet për ngadalësimin e modeleve të vjetra të iPhoneve për t`i shtyrë blerësit të marrin të rinj.
Ujdia e propozuar kërkon që gjigandi të teknologjisë t`i paguajë zotëruesve të disa modeleve të vjetra iPhone-I 25 dollarë. Në 2017-tën, Apple e pranoi ngadalësimin e performancës së pajisjeve më të hershme të saj, me pretekstin se këtë e bënte për “t`i zgjatur atyre jetën”, dhe jo siç pretendojnë kritikët për t`i shtyrë të shpenzojnë duke blerë telefonë të rinj
Marrëveshja e fundit, e cila pritet ta marrë dritën jeshile të gjykatës në 3 prill, i vë kapakun një beteje ligjore që ka zgjatur për më shumë se dy vjet. Përdoruesit e iPhonëve në SHBA mund të paraqesin pretendimet e tyre për kompensim nëse kanë një iPhone 6, 6 Plus, 6S, 6S Plus, 7, 7 Plus apo pajisje SE të blerë përpara 21 dhjetorit 2017.
VAZHDO TË LEXOSH MË TEPËR PËR TEMËN
A do të shtrenjtohen iPhone e vitit të ardhshëm nga teknologjia 5G?
