Kryeministri Edi Rama lajmëron nëpërmjet rrjetit social facebook se pas mbylljes së kufijve me Italinë, tashmë do të mbyllet qarkullimi i njerëzve edhe me Greqinë.
“DUKE NISUR NGA DITA E NESËRME NË ORËN 10.00 MBYLLEN HYRJE – DALJET ME GREQINË PËRMES LINJAVE TË TRANSPORTIT AJROR DHE TOKËSOR ME AUTOBUS!” shkruan Rama.
Vendimi drastik vjen pas shtimit të rasteve me coronavirus në Greqi. Ndërkohë që qeveria greke ka marrë vendim për mbylljen e jetës publike atje të restoranteve e bareve, duke lejuar vetëm supermarketet dhe farmacitë.
Ndërkohe, pak me pare ai njoftoi se kush banon në Tiranë/Durrës dhe është larguar për fundjavë të gjatë në Korçë ose gjetkë, të sigurohet të hyjë në perimetrin e blinduar gjatë hapjes së rrugëve hyrëse, pas mesnatës të së dielës dhe jo më vonë se ora 08.00 e mëngjesit.
