Tre raste të reja janë shfaqur me koronavirus në Maqedoninë e Veriut. Bëhet fjalë për tre familjarë të çiftit tashmë të infektuar nga Dibra.
Numri i përgjithshëm i të prekurve nga virusi korona në vend tashmë ka shkuar në 7.
“Pacientët pozitivë, nga e premtja, 6 marsi, kanë qenë në izolim shtëpiak, që nga sonte ata do të trajtohen në spital pranë Klinikën e Sëmundjeve Infektive dhe Febrile në Shkup”, thonë nga Ministria e Shëndetësisë.
Gjatë ditës së sotme gjithashtu u konfirmua rasti i katërt me virusin korona në vend, respektivisht infektimi i drejtoresha e Klinikës për sëmundje të lëkurës. Për shkak të saj 193 persona të tjerë vendosen në izolim shtëpiak, 103 prej të cilëve pjesëmarrës në një konferencë të mjekëve dermatologë ku ishte prezent drejtoresha.
Ajo së fundmi ishte kthyer nga Italia dhe për pesë ditë ka vazhduar punën në Klinikë.
VAZHDO TË LEXOSH MË TEPËR PËR TEMËN
Ja si ta përgatisni në shtëpi xhelin dezinfektues
Masa shtesë për Covid-19 në doganën e Bllatës në Dibër
Koronavirusi/ Si renditet Shqipëria për kapacitetet shëndetësore
