Daniele Rugani u shndërrua në mbrëmjen e djeshme në të parin futbollist të Serie A të infektuar nga COVID-19. Mbrojtësi tashmë detyroi ekipin e Juventusit dhe Interit të karantinohen për të rritur sigurinë e për të mos përhapur virusin famëkeq.
Ndërkohë, ditën e sotme ka ardhur edhe rasti i dytë i konfirmuar si mbartës i virusit. Bëhet fjalë për Manolo Gabbiadinin, futbollistin e Sampdorias. Dorianët kanë njoftuar se sulmuesi ka pasur ethe, por tashmë është në një gjendje të mirë.
Sakaq, klubi thekson se do të vetëizolohet sipas procedurës. Ndërkohë, pas këtij lajmi, në karantinë pritet të përfundojë edhe Verona si kundërshtari i fundit ndaj Sampdorias, pasi Gabbiadini ka qenë në fushë në këtë ndeshje. Kujtojmë se pjesë e veronezëve janë edhe dy shqiptarët, Kumbulla e Rrahmani.
VAZHDO TË LEXOSH MË TEPËR PËR TEMËN
Futbollisti i infektuar, Juventus në karantinë
