Radhë e gjatë para muzeut të Luvrit, në Paris, mëngjesin e kësaj të diele. Drejtuesit vendosën të mbajë një takim lidhur me përhapjen e koronavirusit, sipas Reuters. Turistët e shumtë para muzeut më të vizituar në botë, ku shpalosen disa prej veprave të artistëve më të mëdhenj, nisën të shprehin pakënaqësitë për mbylljen e dyerve. /Konica.al
Zëdhënësja e muzeut në qendër të Parisit, theksoi se, shtëpia e artit pritej të hapej pas takimit mes drejtuesve, personelit dhe mjekut për personelin. Ajo shtoi se muzetë nuk janë të prekur nga urdhri i qeverisë franceze, sipas të cilit, ndalohen tubimet publike në hapësira të mbyllura me më shumë se 5 000 vetë.
Deri më tani, në Francë janë konfirmuar mbi 100 raste të personave të prekur me koronavirus. Si rezultat i urdhrit të qeverisë, është anuluar edhe gjysmëmaratona e planifikuar të mbahej sot në Paris, ku pritej të merrnin pjesë më shumë se 40 000 vrapues.
Për më shumë, vizitoni: www.konica.al
VAZHDO TË LEXOSH MË TEPËR PËR TEMËN
‘’Shpirti arbëresh në veshje’’ në Muzeun Kombëtar
‘Tregu i Gabit’, sanduiç i tregjeve përkarshi
