“Pandemia po përhapet me ritme të përshpejtuara”. Kështu ka deklaruar Drejtori i Përgjithshëm i OBSH-së Tedros Adhanom Ghebreyesus teksa ka dhënë shifrat e përhapjes së koronavirusit.
“U deshën 67 ditë për të arritur në njëqind mijë të infektuarit e parë, njëmbëdhjetë ditë për 200 mijë dhe katër ditë për 300 mijë”, deklaroi ai.
Nga ana tjetër OKB bën thirrje për një armëpushim mbarëbotëror.
“Furia e koronavirusit tregon çmendurinë e luftës. Kjo është arsyeja pse unë kërkoj armëpushim global dhe të menjëhershëm, në çdo skaj të botës. Është koha për të ndaluar konfliktet e armatosura dhe të përqendrohemi në luftën e vërtetë të jetëve tona. Palëve në luftë u them: tërhiquni nga armiqësitë”.
Ky është mesazhi i sekretarit të përgjithshëm të OKB, Antonio Guterres. “Të mos harrojmë se në vendet e shkatërruara nga lufta, sistemet shëndetësore janë shkatërruar”, shtoi ai.
VAZHDO TË LEXOSH MË TEPËR PËR TEMËN
“Duhet të jeni vigjilent mbi koronavirusin! Të zbatohen udhëzimet e OBSH”
“Ndryshimet klimatike, ndër sfidat shëndetësore në dekadën e ardhshme”
“E premtja e zezë e Akademisë…”
