MENU
klinika

Si e shijuan lirinë e kufizuar

Brigjet e lumit Osum, gumëzhuan sot

26.04.2020 - 10:53

Temperaturat e larta dhe rrezet e diellit kanë qenë favorizuese ditën e sotme për nënat dhe fëmijët, të cilët kanë rendur të gëzuar në rrugët e qytetit të Beratit për të shijuar ato pak orë ‘lirie’. Shumë fëmijë kanë preferuar brigjet e lumit Osum për të shijuar lirinë e tyre dhe për tu freskuar në brigjet e lumit.

Edhe bulevardi kryesor, pedonalja dhe parqet e lulishtet e qytetit u mbipopullua me fëmijë, të cilët të shoqëruar nga nënat e tyre janë argëtuar pa fund. Me biçikleta, me makina dhe me topa në duar, fëmijët kanë luajtur të gëzuar dhe të pa shqetësuar nga askush, ndërkohë që bashkia e Beratit këtë javë kishte organizuar diçka ndryshe për të argëtuar fëmijët. Përballë Pedonales së qytetit ishin vendosur megafonë që shpërndanin kudo këngë për fëmijët, duke e bërë më argëtuese atmosferën në parqet e lulishtet e mbushura plot me fëmijë.

kolana e librave

Pas më shumë se 1-javë të mbyllur brenda banesave, gëzimi i sotëm i fëmijëve që kanë shijuar për herë të dytë me nënat e tyre ajrin e pastër, ka qenë i papërshkrueshëm. Nënat dhe vetë fëmijët shprehen se ndihen të gëzuar që dolën sërish edhe këtë javë në rrugët e qytetit. Ata iu bëjnë apel të gjithëve të rrinë në shtëpi dhe të respektojnë rregulltat e vendosura, për t’u mbrojtur nga virusi Covid-19.