MENU
klinika

Strategjia e suksesshme

‘Diplomacia e maskave’, si Kina po e bën për vete Evropën Juglindore

14.04.2020 - 16:39

Kur dërgesa e parë e ndihmës mjekësore për koronavirusin nga Kina arriti në Beograd, Presidenti i Serbisë ishte aty për të puthur flamurin kinez. Në Hungari, zyrtarët kanë refuzuar ndihmën nga Bashkimi Evropian dhe vlerësuan ndihmën e Pekinit. Në Republikën çeke, presidenti i saj thotë se vetëm Kina ishte atje për ta gjatë përhapjes së virusit.

Pekini po kërkon të ruajë ndikimin e tij të fituar me forcë në pjesë të Evropës Lindore, ku lufton me BE-në, si dhe me Rusinë.

Kina u kritikua në Perëndim për keqtrajtimin e saj të krizës shëndetësore për shkak të zvarritjes me motive politike.

Tani po kërkon të ndryshojë perceptimet përmes “diplomacisë maskë”, një kombinim i politikës së pushtetit ‘të butë’, mesazheve politike dhe dërgesave të ndihmës, për të portretizuar Pekinin si një aleat bujar dhe efikas.

Kina për vite me radhë po rrit ndikimin e saj politik dhe ekonomik në Evropën juglindore përmes projekteve të saj globale.

Why China's 'Mask Diplomacy' Is Faltering | Time

Dërgesat e ndihmës janë lavdëruar në Itali, Spanjë, Hollandë, Sllovaki dhe Republikën çeke, megjithëse disa kuti për testimin e virusit dhe maska ​​për fytyrën të blera nga ndërmarrjet kineze nuk i plotësonin standardet lokale.

Zyrtarët kinezë kanë refuzuar në mënyrë të përsëritur pretendimet se Pekini po kërkon përfitime politike.

Zëdhënësi i Ministrisë së Jashtme kineze, Hua Chunying tha që Pekini po bën atë që mundet “për të ndihmuar ato vende dhe njerëzit e prekur … për të shpëtuar dhe mbrojtur jetën dhe shëndetin e njerëzve në të gjithë botën”.

Presidenti serb Aleksandar Vuçiç e përshkruan vazhdimisht presidentin kinez si “vëllain” e tij, si dhe ka sugjerime që të ngrihet një monument për të nderuar miqësinë e Beogradit me Pekinin.

“Solidariteti evropian nuk ekziston. Vetëm Kina mund ta ndihmojë, “tha Vuçiç muajin e kaluar ndërsa njoftoi një gjendje të jashtëzakonshme mbarëkombëtare.

Krahu ekzekutiv i BE-së, Komisioni Evropian, ka premtuar 15 milion euro ndihmë të menjëhershme për sektorin e shëndetit të Serbisë, plus 78.4 milion euro për të ndihmuar në rimëkëmbjen e saj sociale dhe ekonomike. BE gjithashtu ka dhënë 2 milion euro për të ndihmuar në pagimin e transportit e më shumë se 280 ton furnizime mjekësore urgjente që bleu Serbia.

China's Mask Diplomacy – The Diplomat

Vuçiç falënderoi BE për paratë, por këmbënguli që Kina dha më shumë, pa dhënë detaje.

Serbia dhe Hungaria kanë qenë porta të rëndësishme për në Evropë për Kinën përmes infrastrukturës dhe projekteve të saj investuese.

CHOICE, një grup ekspertësh që monitorojnë praninë e Pekinit në Evropën juglindore, paralajmëruan në një raport këtë muaj se “Kina ka qenë gjithnjë e më aktive në sferat politike, ekonomike dhe shoqërore” në rajon, dhe duhet patur kujdes.

Përkthyer dhe përshtatur nga Associated Press/ konica.al

VAZHDO TË LEXOSH MË TEPËR PËR TEMËN


Ç'po ndodh nga Shqipëria në Kroaci dhe Greqi?

DW bën bilancin/ “Ballkani në kthetrat e Coronës!”


Për presidentët e Shteteve të Bashkuara

Përse janë të rëndësishme 100 ditët e para të detyrës?

Brishtësia e regjimit rus po bëhet e dukshme

Navalny është kërcënim i vërtetë për Putinin

Rinisën sot bisedimet e lëna pezull nga viti 2016

“Katër stinët” e marrëdhënieve Greqi-Turqi

Ja çfarë raportojnë mediat greke

Përfundon takimi Greqi-Turqi

“Shpresat për sukses janë të pakta”

Çfarë pritet të ndodhë sot me bisedimet Turqi-Greqi