Kancelarja Angela Merkel është detyruar të përgënjeshtrojë thashethemet se ajo do të kandidojë për një mandat të pestë.
Merkel e ka udhëhequr vendin për 15 vjet në katër mandate të ndryshëm, por tha që ajo nuk do të kërkojë rizgjedhje në vjeshtën e vitit 2021.
Por gazeta gjermane Bild ka spekuluar se Merkel mund të kandidojë përsëri pas suksesit të saj në trajtimin e krizës së koronavirusit.
Sëmundja ka vrarë 1.400 njerëz në Gjermani dhe ka infektuar më shumë se 95,000.
Politikanët gjermanë, të cilët nuk u identifikuan në shkrim, i thanë Bild se ata ishin ‘vërtet të lumtur’ që Merkel është ende në krye.
Helge Braun, shefi i shtabit të Merkel, tha: ‘Unë nuk mendoj se është koha kur të diskutojmë diçka të tillë. Ajo ka thënë se ky është mandati i saj i fundit në detyrë dhe besoj se asgjë nuk ka ndryshuar në lidhje me këtë.”
Merkel u kthye në punë të Premten pas dy javësh vetëizolim sepse një mjek që ajo takoi, rezultoi i infektuar me koronavirus.
Mjeku kishte vizituar Merkel, muajin e kaluar për ta vaksinuar atë kundër baktereve të pneumokokut.
Gjermania sot pësoi rënie në numrin e përditshëm të vdekjeve dhe numrin e rasteve të reja të infektuara, duke ofruar shpresë se masat janë efektive.
Shkalla e vdekshmërisë që rezulton 1.5 përqind mbetet më e ulët se shumë nga fqinjët e Gjermanisë, megjithëse është rritur çdo ditë për më shumë se dy javë.
Përkthyer dhe përshtatur nga Daily Mail/ konica.al
VAZHDO TË LEXOSH MË TEPËR PËR TEMËN
‘Tragjedia’ e Angela Merkel
BE, e gatshme ta rinegociojë marrëveshjen e Brexit?
Ambasadori gjerman: Angela Merkel do t’i bindë skeptikët, ka nisur bisedimet
