14.04.2020 - 21:24
Presidenti i Republikës, Ilir Meta, do të zhvillojë ditën e nesërme mbledhjen e dytë të Këshillit të Sigurisë Kombëtare për situatën e pazakontë të krijuar nga përhapja e koronavirusit.
Ashtu si mbledhja e parë, edhe mbledhja e nesërme e Këshillit të Sigurisë do të zhvillohet online. Burime bëjnë të ditur se i pranishëm në diskutim do të jetë edhe kreu i Partisë Demokratike, Lulzim Basha.
Në mbledhjen e parë të Këshillit të Sigurisë Kombëtare ishin të pranishëm në diskutim kreu i opozitës, Lulzim Basha, kryeministri Edi Rama, Presidenti Ilir Meta dhe ministrat më të rëndësishëm të kabinetit qeveritar.
Ndërkohë, nuk bëhet ende e ditur se në çfarë orë do të mbahet mbledhja e nesërme.
