MENU
klinika

COVID-19/ Tre vendimet e BSH

Nga ulja e pagave tek heqja e pagesës për E-Banking

09.04.2020 - 12:34

Për shkak të situatës së krijuar nga Covid-19 në vendin tonë, Këshilli mbikqyrës i Bankës së Shqipërisë në mbledhjen e zhvilluar online ka vendosur të marr tre vendime të rëndësishëm. Nëpërmjet një njoftimi të publikuar në faqen zyrtare të Bankës së Shqipërisë Këshilli mbikqyrës ka miratuar uljen me 50% të honorareve të anëtarëve të Këshillit Mbikëqyrës dhe përgjysmimin e pagave për administratorët e drejtorët. Po ashtu këshilli mbikqyrës ka marrë vendimin për pezullimin e shpërndarjes së fitimit nga bankat.

Në bazë të këtij vendimi pezullohet deri në fund të muajit qershor 2020, shpërndarja nga ana e bankave, të fitimit të mbartur nga periudhat e mëparshme, të fitimit të realizuar në vitin 2019 si dhe të fitimit që do të realizohet përgjatë gjashtëmujorit të parë të vitit 2020.

Një tjetër vendim është dhe eleminimi i kostos për pagesat E-Banking. Ky vendim ka për qëllim mbështetjen e klientëve të bankave për vijimin e kryerjes së pagesave të tyre në kushtet e kufizimit të lëvizjes dhe gjithashtu mimimizimit të rreziqeve nga grumbullimi i popullatës në degët e bankave. Më konkretisht, ky vendim synon të bëjë më tërheqës përdorimin e shërbimeve Homebanking nëpërmjet eliminimit të kostove të këtij shërbimi.

Njëkohësisht, në mbështetje të këtij vendimi, Banka e Shqipërisë eleminon komisionet e aplikuara për përdorimin e sistemeve të pagesave të Bankës së Shqipërisë nga ana e bankave për të balancuar kostot e mbartura prej tyre. Në përfundim, Këshilli Mbikëqyrës u njoh dhe me informacione të tjera mbi aktivitetin e përditshëm funksional dhe operacional të Bankës së Shqipërisë.

VAZHDO TË LEXOSH MË TEPËR PËR TEMËN


Për kurimin e koronavirusit

A duhet të shmangni vërtet ibuprofenin?

Sqaron Autoriteti Europian për Sigurinë Ushqimore

A përhapet COVID-19 nga ushqimet?


Nga Russian Today/ Pjesë e politikës së shtetit të dollarizimit

Rusia vazhdon të heqë thesaret e SHBA

Nga Al Jazeera/ "Është thjesht një rrëmujë"

Sistemi doganor kufitar në MB kap kufirin

Nga Financial Times/ Normat e ulëta janë kurth

I dashur Biden, deficitet janë ende të rëndësishme!